Yn y rhifyn diwethaf roedd gennym wobr arbennig, sef hamper gan gwmni Bodlon yn rhoddedig gan Siop Tŷ Tawe. Y cwestiwn oedd:
Beth yw enw’r stadiwm ble mae’r Gweilch a’r Elyrch yn chwarae?
Yr ateb wrth gwrs yw Stadiwm Liberty a’r enillydd oedd Sharon Warren.
Llongyfarchiadau a mwynhewch y bwyta!
Ond peidiwch â phoeni os na lwyddoch i ennill y tro diwethaf – dyma gyfle arall! Mae’r wobr y tro hwn yn rhoddedig gan Siop y Ganolfan Gymraeg ym Merthyr, sef tocyn llyfr gwerth £20.
Y siop hon yw prif gyflenwr ysgolion, colegau a llyfrgelloedd ardal Blaenau’r Cymoedd ers 15 mlynedd. Ceir yno ddewis eang o lyfrau, cardiau cyfarch, gemau a cherddoriaeth Cymraeg i blant ac oedolion. Phylyp Griffiths yw rheolwr y siop ac ef yn unig sy’n gyflogedig ond mae rhwydwaith dda o wirfoddolwyr yn gweithio yno yn ôl y galw hefyd.
Ar hyn o bryd, mae’r siop wedi ymgartrefu yn hen festri Capel Soar (drws nesaf i’r Ganolfan Gymraeg) ond mae’r cynlluniau cyffrous sydd ar y gweill ar gyfer y Ganolfan Gymraeg hefyd yn effeithio ar y Siop. Ym mis Ebrill bydd y Siop yn symud i ran newydd sbon o’r festri gyda gwell mynediad, digon o le i arddangos y stoc a chornel goffi groesawgar. Edrychwn ymlaen at gael paned a chlonc dros lyfr yno!
Diolch yn fawr i’r siop am y tocyn llyfr gwerth £20 a dymunwn yn dda iddi yn ei chartref newydd.
Gan gofio cysylltiad y rhifyn hwn â’r dref haearnaidd, y cwestiwn yw:
Y dyddiad cau yw 13 Mawrth ac ewch i’r adran Cysylltu ar y wefan hon i anfon eich atebion.
Pob lwc!
