Dyn tywydd yn ymuno â Chlwb Llanllawen
Mae Clwb Llanllawen, sef clwb i ddysgwyr a siaradwyr iaith gyntaf y Gymraeg Coleg Llysfasi, wrth eu boddau bod dyn tywydd y BBC, Derek Brockway, wedi dod yn aelod anrhydeddus o’r clwb. Roedd Mr Brockway yn siaradwr gwadd yn ystod diwrnod gwobrwyo Llysfasi ym mis Mehefin lle cafodd gyfle i gwrdd â Myfi Brier, sef tiwtor Llysfasi sydd wedi ennill gwobr am ddysgu Cymraeg yn y Gymuned, a gofynnodd iddi sut y gallai wella ei Gymraeg. Fe’i cyflwynwyd â chyfres o lyfrau a CDs Llanllawen sy’n addysgu Cymraeg bob dydd mewn dull hwyliog a chyraeddadwy drwy gyfres o storïau byrion. Esboniodd Jan Wilson-Chalon, sef Swyddog Cyhoeddusrwydd Clwb Llanllawen, sut mae’r Clwb yn annog dysgwyr y Gymraeg i ymarfer yr iaith mewn nifer o ddigwyddiadau cymdeithasol a gwahoddwyd Derek i ymuno â’r clwb. Fe gytunodd o ac anfonodd ei ffurflen ymaelodi at y clwb yn ystod yr haf. Mae hefyd wedi cynnig son am ddigwyddiadau’r clwb yn ystod ei adroddiadau tywydd pan fo’n bosibl!
I’r Clonc! I’r Clonc!
Dewch Gymry hen ac ifanc,
Dewch i’r Clonc.
Synnwn i fawr os oes traed blinedig gan rai o Gymry a dysgwyr Sir Benfro erbyn hyn. Y darn diweddaraf o Lwybr yr Arfodir i gael ei throedio gan y criw eofn hwn yw’r darn rhwng Cei Stangbwll a Broad Haven ar 26 Medi, sef y seithfed rhan o’r daith.
Taith gerdded ar gyfer oedolion sy’n dysgu Cymraeg a’r Cymry ydyw. Ond peidiwch â phoeni os golloch chi’r hwyl y tro hwn. Cewch gyfle eto – mae 80 rhan i gyd!
Y Cymry a’r Dysgwyr yn Llundain
Rhai o weithgareddau Canolfan Cymry Llundain
Os hoffech wybodaeth bellach, neu wybodaeth ynglŷn â digwyddiadau yn y dyfodol, cysylltwch â Swyddfa Canolfan Cymry Llundain (020 7837 3722) neu ymwelwch â’r wefan: http://www.londonwelsh.org/
GRŴP DRAMA
Cwrdd Nos Lun - cyfarfodydd yn dymhorol. Cadeirydd, Mrs Glenys Roberts, Ysgrifennydd, Mrs Iola Bilson.
CORÂL CYMRY LLUNDAIN
(Arweinydd Ken Bowen) http://www.londonwelshchorale.org.uk/
Côr cymysg yw’r Corâl sy’n ymarfer ar Nos Fawrth am 7:30. Cadeirydd, Miss Liz Siberry, Ysgrifennydd, Miss Susan Craig.
CÔR MEIBION GWALIA
(Arweinydd Lyn Evans) http://www.gwaliamalevoicechoir.org.uk/
Mae’r Côr yn ymarfer ar Nos Fercher am 7:30. Ysgrifennydd, Mr David Hurlbutt.
DOSBARTHIADAU CYMRAEG
Nos Iau. Mae pob aelod yn gymwys i ymuno â’r dosbarthiadau (tâl: £54 am y flwyddyn). Cysylltwch â Swyddfa’r Ganolfan am fanylion pellach neu i gofrestru
CÔR MEIBION CYMRY LLUNDAIN
(Arweinydd Dr Haydn James) http://www.londonwelshmvc.org/
Mae’r Côr yn ymarfer Nos Iau am 7:30. Cadeirydd, Mr Berwyn Evans, Ysgrifennydd, Mr Mike Benson.
Ydych chi’n nabod rhywun sy’n byw yn ardal Basingstoke sy’n siarad Cymraeg? A fyddai diddordeb ganddyn nhw mewn bod yn diwtor Cymraeg?
Os oes, cysylltwch â Gareth Thomas ar 01256 389414 neu trwy e-bost: gareththomas855@btinternet.com
Yn y rhifyn diwethaf, roedd cyfle i chi ennill pecyn o adnoddau yn rhoddedig gan Ganolfan Cymraeg i Oedolion Canolbarth Cymru. Mae’r pecyn yn cynnwys cardiau fflach bach 1, cardiau fflach bach 2 a chwaraeydd MP4. Y cwestiwn oedd:
Yr ateb wrth gwrs yw Aberystwyth, a’r enillydd yw Jane Morgan o’r Trallwng. Llongyfarchiadau mawr iddi.
Cofiwch am y gystadleuaeth yn y rhifyn hwn ac ewch i’r adran Cysylltu i anfon eich ateb. Y dyddiad cau y tro hwn yw Hydref 30 a’r wobr yw tocyn llyfr gwerth £20 yn rhoddedig gan CBAC. Y cwestiwn yw:
Pwy oedd wedi cyflwyno’r tystysgrifau i ddysgwyr llwyddiannus yn y seremoni ym Maes D adeg yr Eisteddfod Genedlaethol eleni?
Pob hwyl!