Mae Bwrdd yr Iaith Gymraeg yn cynnig cyngor ynghylch sut i ddefnyddio'r Gymraeg mewn gweithleoedd a hynny yn sgil sefydlu’r cynllun i hyrwyddo gweithleoedd dwyieithog. Mae’r Bwrdd wedi gweithio gydag ymgynghorwyr i ddatblygu dogfennau a chynlluniau ar gyfer sefydliadau penodol.
Os hoffech gael rhagor o fanylion am y Pecyn Hyfforddiant: Hyrwyddo Gweithleoedd Dwyieithog, yn ogystal â’r Nodiadau i’r Tiwtor, ewch i wefan y Bwrdd:
http://www.byig-wlb.org.uk/Pages/Hafan.aspx
Gwelir isod enghraifft o weithdy a ddatblygwyd gan ymgynghorydd a all fod yn fuddiol i’w gynnal mewn nifer o weithleodd.
Gweithdy 1
Rhan 1 – Gwaith bob dydd
- Defnyddiwch y cloc i ddechrau meddwl am yr holl bethau ry’ch chi’n eu gwneud yn ystod y dydd, (e.e. delio â’r post a’r e-bost; mynd i’r cantîn amser cinio; cael sgwrs wrth y llun-gopïwr / photocopier…). - 10 munud
- Gan ddefnyddio’r cloc eto neu’r Ffurflen Dasgau ar wahân gwnewch nodyn mwy manwl o’r holl dasgau a’r gweithgareddau ry’ch chi’n eu gwneud yn rhan o’ch gwaith. - 10 munud
- Trowch at eich cymydog i gael sgwrs am y pethau ry’ch chi wedi eu nodi - efallai bod ’na bethau ry’ch chi wedi eu hanghofio! - 10 munud
Rhan 2 – Iaith Gwaith
- Nawr ar eich pen eich hun eto cymrwch olwg ar y tasgau. Defnyddiwch ddau liw gwahanol i nodi a) y pethe ry’ch chi’n eu gwneud yn Gymraeg; b) y pethe ry’ch chi’n eu gwneud yn Saesneg. Defnyddiwch y ddau liw ar gyfer y pethe sy’n digwydd yn ddwyieithog. - 5 munud
- Mewn grwpiau o ryw 3 - 4 meddyliwch pam bod hyn yn digwydd; beth sy’n effeithio ar yr iaith ry’ch chi’n ei defnyddio mewn sefyllfaoedd gwahanol? - 10 munud
- Yna, dewch yn ôl at weddill y grŵp i rannu rhai o’r pethau ry’ch chi wedi bod yn eu trafod - 10 munud
Rhestr o weithgareddau yn y gwaith
List of work related tasks
Tasgau llafar Oral tasks
Ar y ffôn |
|
Trafod/siarad gyda chydweithwyr |
|
Cyfarfodydd mewnol |
|
Cyfarfodydd cyhoeddus |
|
Arall |
|
Tasgau Ysgrifenedig Writing based tasks
Anfon e-bost |
|
Llythyru |
|
Cadw cofnodion cyfarfodydd |
|
Cadw cofnodion ffeil |
|
Creu/llenwi ffurflenni |
|
Creu/drafftio deunydd i’w arddangos |
|
Creu/drafftio deunydd gwybodaeth i’w ddosbarthu’n fewnol |
|
Creu/drafftio adroddiadau at ddefnydd mewnol |
|
Creu/drafftio deunydd gwybodaeth fer i’r cyhoedd |
|
Drafftio adroddiadau i’r cyhoedd |
|
Arall |
|
Rhan 3 – Creu Newid
- Nawr, trowch at y ffurflen Creu Newid er mwyn dechrau penderfynu beth ry’ch chi am ei wneud dros y misoedd nesaf
a) fel unigolyn
b) fel tîm
Felly,
- ar eich pen eich hun, meddyliwch am y newidiadau personol y byddech chi’n licio eu gwneud - 10 munud
- rhannwch y pwyntiau yma gyda gweddill y grŵp - 10 munud
- treuliwch weddill yr amser yn penderfynu ar y newidiadau ry’ch chi am eu gwneud fel tîm - 30 munud
- Dewch nôl at eich gilydd yn un grŵp mawr i sôn am eich Cynllun Gweithredu ar gyfer y tîm.
Creu Newid o ddydd i ddydd: Cynllun Gweithredu Fy nghynllun i: a.Gallaf ddechrau gwneud y pethau yma yn Gymraeg yn syth: b. Dros y 6 mis nesaf bydd angen help arna i i wneud y pethau yma yn Gymraeg hefyd: Ein cynllun ni a. Dyma’r pethau y gallwn eu gwneud yn Gymraeg yn syth: b. Dros y 6 mis nesaf bydd angen help arnon ni i wneud y pethe yma yn Gymraeg hefyd:
|
