Cystadleuaeth-Nant-Gwrtheyrn

Mae Canolfan Iaith a Threftadaeth Cymru, Nant Gwrtheyrn, wedi’i lleoli mewn hen bentref chwarelyddol ar arfordir gogleddol Penrhyn Llŷn, Gogledd Cymru.

    Mae’r Ganolfan yn arbenigo mewn cyrsiau preswyl Cymraeg (fel ail-iaith) i oedolion. Cynhelir priodasau a chynadleddau yn y  Ganolfan ac mae croeso bob amser i ymwelwyr ddod i fwynhau’r dyffryn cyfan gan gynnwys y Ganolfan Dreftadaeth, siop, bwyty a’r traeth hudolus.

Does dim rhaid i chi fod ar gwrs i aros yn Nant Gwrtheyrn:

    - Cyfle i ddianc rhag y byd a’i bethau.

    - Lleoliad delfrydol ar gyfer gwyliau teulu.

    - Lleoliad gwych ar gyfer crwydro ardal Llŷn ac Eryri.

    - Lleoliad cyfleus ar gyfer pysgota môr gyda llwybr yn arwain o’r pentref at y traeth.

Er mwyn cael cyfle i ennill gwobr o ddwy noson i ddau berson yn un o fythynnod Nant Gwrtheyrn, atebwch y cwestiwn canlynol: Mae Caffi Meinir wedi cael ei enwi ar ôl Meinir, sef un o’r cariadon yn stori enwog Nant Gwrtheyrn.

Anfonwch eich ateb atom gan ddefnyddio’r ffurflen sylwadau yn yr adran ‘Cysylltu.’ Cofiwch nodi eich cyfeiriad a’ch rhif ffôn hefyd.

Y dyddiad cau ar gyfer derbyn atebion i’r gystadleuaeth hon yw Dydd Llun, 28 Gorffennaf 2008. Caiff enw’r enillydd ei dynnu o het ar ddydd Sadwrn, 2 Awst ym Mhabell y Dysgwyr yn yr Eisteddfod Genedlaethol yng Nghaerdydd ac fe gyhoeddir enw’r enillydd yn rhifyn nesaf y Tiwtor ar ddiwedd mis Medi. Cofiwch — mae’r gystadleuaeth yn agored i unrhywun, boed yn diwtor, dysgwr, siaradwr Cymraeg neu bwy bynnag arall!

Pob lwc!