canolbarth 1

Cynhaliwyd cwrs hyfforddi tiwtoriaid ar 27-29 Mehefin eleni. Cafwyd llawer o hwyl wrth ddatblygu a rhannu syniadau.

Cynhaliwyd Cwrs Haf llwyddiannus iawn eleni gyda 70 o bobl o Orllewin Awstralia, yr Iseldiroedd, yr Almaen, Gwlad Pwyl, America, Canada, yr Alban, Lloegr a Chymru yn cofrestru i fynychu’r cwrs yn Aberystwyth.

    Rydyn ni wedi gweld cynnydd mawr yn y niferoedd eleni ac mae’r tuedd hwn i’w weld hefyd yn ein dosbarthiadau Cymraeg wythnosol yng Nghanolbarth Cymru.

    Roedd rhai o’r dysgwyr yn dychwelyd am yr ail flwyddyn neu fwy er mwyn cwrdd eto â ffrindiau a wnaed ar y cwrs yn y gorffennol. Gwelwyd hefyd pobl oedd wedi cofrestru’n wreiddiol am bythefnos yn unig, yn penderfynu aros am y mis cyfan am eu bod yn mwynhau eu hunain gymaint!

    Bu’r dysgwyr yn brysur iawn gyda dysgu ffurfiol yn ystod y dydd a rhaglen lawn o weithgareddau gyda’r nos oedd yn cynnwys taith i’r Eisteddfod Genedlaethol yng Nghaerdydd, nosweithiau cerddorol gyda Diarmuid Johnson a Ceri Mathews, gweithdy dawns a drama gyda Zoe Pettinger, cyflwyniad gan Bethan Gwanas, cyngerdd gyda Chantorion Aberystwyth, a noson gyda Rhiain Bebb.

Mae’r lluniau gan Jaci Taylor yn dangos dysgwyr ar Gwrs Haf Aberystwyth yn mwynhau’r gweithgareddau gyda’r nos.