Cynhadledd
Flynyddol
Tiwtoriaid
yn Llangollen
Yn Llangollen yn Nyffryn Clwyd y cynhaliwyd ail gynhadledd flynyddol Canolfan Cymraeg i Oedolion y Gogledd. Fe ymunodd 12 o diwtoriaid y Canolbarth gan godi cyfanswm y rhai oedd yn bresennol i 68.
Rhannwyd y rhai a fynychodd yn ddau brif grŵp, gyda’r tiwtoriaid mwyaf profiadol yn cael cyflwyniadau ar ddatblygiadau ym maes CiO a dysgu cyfathrebol, tra bod y gweddill yn elwa o sesiynau ‘cyflwyno iaith’, ‘paratoi gwersi’ ac ‘ymarfer iaith’ o’r Rhaglen Hyfforddi Genedlaethol.
Cafwyd sawl cyflwyniad cyffredinol i bawb a diddordeb mawr yn yr hyn oedd gan Mandi Morse i’w ddweud am ‘Y Tiwtor’, canlyniadau ymchwil ym maes CiO, dulliau dysgu Gwlad y Basg, achredu a pharatoi AHA. Wedi gweithio’n galed trwy’r dydd cafwyd hefyd amser i ymlacio gyda cherdd a chân yng nghwmni Geraint Lovgreen ac Owen Owens yn y bar min nos.
Ar ddiwedd y penwythnos cafwyd adborth adeiladol yn dangos gwerthfawrogiad amlwg y tiwtoriaid o’r cyfle i ddod at ei gilydd i rannu syniadau ac arferion da a’r farn gyffredinol fod y cyfleoedd hyfforddi a gynigwyd yn fuddiol ar lawr y dosbarth.
